武漢肺炎來勢兇兇，香港亦出現十多宗懷疑個案，一時之間全香港人人自危，經歷過沙士慘劇既香港人都開始載返個口罩包實個鼻同口先有安全感，不過要點戴口罩先安全呢？市面上咁多款口罩又要點揀呢？唔駛急既，我地慢慢解釋俾你聽，咁你就知道要點揀合適既口罩。
肺炎是甚麼？
睇個名大家都知道就係指個肺發炎，如果用顯微鏡睇，就會見到患病既肺會有小泡發炎，而用 X 光機照片就會見到個肺「花晒」，而肺炎通常都係由病毒、細菌引起，亦可能會由其他微生物、藥或者免疫系統疾病引發。
患上肺炎的病人都會出現咳嗽、有痰、胸痛、發燒、呼吸困難等症狀，而治療的方式都要視乎病情既輕重，輕微既大致都係食抗炎藥、化痰藥，而重症患者就要入醫院，醫生會以痰培菌，從而採用抗生素或其他治療方式。
據香港政府資料顯示，2017 年因肺炎而住院病人出院及死亡的數字為 60,446 次，佔所有住院病人出院及死亡的總人次為2.7%。同在 2017 年，肺炎的年齡別死亡率自七十歲後有明顯的增長，男性較女性在各年齡組別都有較高的死亡率。
預防肺炎方法
每年政府到了流感高峰期既季節，都會推出預防流感針及肺炎的針藥計劃，大家可以可以參與之外，最重要仍是在日常生活中保持清潔及衛生，除了要勤洗手之外，在人多的地方打噴嚏或咳嗽時，都要用掩蓋口鼻，避免唾液傳播細菌，而更重要的是，最好自備及載上具有抗菌、過瀘功能的口罩。
口罩種類及用途
沙士肆虐期間，大家都學會了要戴上口罩，但戴口罩並不等於一定可以抗菌，原因在於不同物料製造的口罩，都有不同的功能，而現時市面上可買到的口罩大致可分為棉布、活性碳、不織布、N95 等 4 種，至於用途及功能上的分別，則如下：
1.棉布口罩
依款口罩由於纖維粗，所以只可過濾空氣中較大的顆粒物及塵埃，優點是可以重覆清洗使用，唔需要用完即棄夠環保，不過若然唔勤於清洗的話，卻會容易滋生細菌，所以適於揸電單車時擋風及隔絕日常生活中既灰塵、黑煙或是保暖使用。
2.活性碳口罩
活性碳最大功效係吸附有機氣體及臭味，所以依款口罩只適合揸電單車時擋風、噴灑農藥或進行裝修工程、塗漆時使用，而依款口罩係唔可以有效過濾空氣微粒或細菌，如果佩戴時發現呼吸困難的話，更要即時更換，屬即棄型。
3.不織布口罩（外科口罩）
不織布口罩亦即大家係醫院、診所常見既外科口罩，由於具有纖維布及濾網層，能夠產生超細靜電濾除 90% 以上的 5 微米顆粒，因此具有高效的抗菌和防塵能力，可抵擋飛沫上的部分病毒和細菌，而外科口罩屬用完即棄型，所以不可清洗重用，而當口罩沾濕了，亦都要立即更換。
4.N95 口罩
N95 係四款口罩中最高級別的，能夠對空氣傳染（5 微米以下的微粒）提供 95% 以上的過濾效果，可隔絕大部分的細微顆粒，但由於其高過瀘的能力，當長時間的佩戴或會令你感到侷促，若不是在傳播疾病的嚴重地區，基本都無需使用，而 N95 亦屬只棄型口罩，不可重複使用。
戴口罩的正確方法
介紹完 4 款口罩之後，大家都應該識得點揀，而係依個流感高峰季節，再加上傳出肺炎的期間，最好就係要揀具有防護效果既口罩，而這類口罩構造分為三層，外層為 PP 防潑水物料，可阻隔帶有病菌飛沫或血液；中層為特殊濾網，可阻隔細菌、粉塵；而內層則是超柔細纖維，可吸收我地本身既汗水同油脂。
- 把合適尺寸的口罩貼近口鼻的位置
- 掛上兩的耳掛帶
- 把上方的鐵鼻樑片按下，緊貼鼻型及臉部
- 同時按着鼻樑片，並展開口罩，直接下方包覆下巴
口罩正確分辦正背面的方法：
- 摸觸感：粗糙防水的面要向外，而吸水柔軟的一面則向內，貼於自己塊面
- 看鼻樑片位置：只要摸下個口罩，你會發現硬硬地一條既鐵鼻樑片，依條片要貼係自己既鼻樑上面，突出既部份要向外。
- 看耳掛帶：通常裁縫部分會朝外。
- 口罩表面：表面會有一層層的摺疊痕，正面向外的摺疊痕要朝下，而貼近臉部那面的摺疊痕要朝上。
- 看顏色：一般來說，有顏色的部分朝外，較暗淡的朝內。
推薦使用的口罩品牌
以下介紹的幾款口罩，都具備抗病菌、防口沬、有效過瀘 PM2.5、塵埃等功能的產品。
MEO X 抗流感即棄口罩
由紐西蘭製造， MEO™ Air 推出的 MEO X 即棄口罩，以天然紐西蘭羊毛材質製造濾網，舒適且柔軟的物料，令佩戴時也感到舒適透氣，同時有效過濾 99.99% 包括流感病毒等有害病菌，高效過濾 99.83% PM0.1 超細懸浮微粒，隔除空氣中的灰塵、花粉、黴菌、塵蟎等過敏原。
售價：HK$180
購買：MEO X
MEO Lite 獨立濾芯抗流感口罩
MEO Lite 屬於半重用的款式，同為 MEO™ Air 推出，都是出品自紐西蘭，以天然羊毛製造，不過有別於昂貴的拋棄式口罩，MEO Lite 可取出當中的濾芯部份更換，而面層的口罩部分可以不斷重覆使用，只需用清水加少量梘液用手清洗，然後自然吹乾便可。
MEO Lite 有效過濾 99.99% 流感病毒、病菌，同時有效過 99.83% PM0.1 超細懸浮微粒，為呼吸道敏感者隔絕花粉、黴菌、灰塵、蟎等過敏原，在空氣污染的環境中，保障你吸入安全的空氣。
售價：HK$248
購買：MEO Lite
順易利 PM2.5 防霾口罩 30 片裝
由台灣製造的 順易利 PM2.5 防霾口罩，屬於即棄型的款式，符合國家標準 CNS15980 六項檢測規定，加上採用活性碳物料，有效阻隔口沫、花粉、霧霾及空氣中的 PM2.5 有害微粒和塵埃，同時又可吸附有機化合物。
售價：HK$198
購買：順易利防霾口罩
防霧霾智能電動口罩 – 主動送風 99.97% 過濾效能
依款電動口罩雖然都有過瀘既功能、四層空氣淨化，不過只限於可以阻隔空氣中 99.97% 既塵埃同微粒，吸附室內甲醛、二手煙、異味，但未能阻擋病菌傳染，但口罩特別之處在於內建單向出氣閥及滑輪風扇，比較適合做裝修工程、地盤既人士佩戴，起碼長用都無一般口罩咁侷。
售價：HK$299
購買：防霧霾智能電動口罩
口罩之外 仲有更多選擇？
雖然口罩的而且確係幫到我地隔絕病菌埋身，不過成日戴口罩又唔係咁方便，而且長期係屋企、私家車、OFFICE 等室內既環境，其實你可以選擇用 空氣清新機。而不同牌子既空氣清新機由於使用不同既濾網，所以功能上都會有分別，如果你想知更多既話，可以睇返我地之前寫既「空氣清新機推介 2019 ：香港型號運作原理與邊隻好？」詳細介紹。
轉載自：Techritual
